HÉRNA ER AÐ FINNA SVÖR VIÐ ALGENGUM SPURNINGUM SEM VIÐ FÁUM.

MUN ÞETTA HAFA ÁHRIF Á SAMBAND MITT VIÐ VIÐSKIPTAVIN?

Nei. Samband þitt við viðskiptavin þinn mun haldast óbreytt.  Skuldari greiðir kröfuna þína í sínum heimabanka eins og ávallt.  Þannig verður þinn viðskiptavinur ekki var við neina breytingu.

HVAÐ GERIST EF KRAFA GREIÐIST EKKI?

Við vinnum í samstarfi við innheimtufyrirtækið Inkasso og þangað fer krafan í innheimtuferli skv. skilgreiningum Faktoría. Ef innheimtuferlið gengur ekki eftir þá þarf kröfuhafi að greiða til baka fjármögnun eða endurfjármagna með nýrri kröfufjármögnun.

ER ÞÖRF Á FREKARI TRYGGINGUM EN UNDIRLIGGJANDI KRAFA?

Það er ekki þörf á frekari tryggingum, sjálfskuldarábyrgð né öðrum veðum.

GETUR HVAÐA FYRIRTÆKI SEM ER SÓTT UM FJÁRMÖGNUN?

Fyrirtæki af hvaða stærðargráðu sem er getur sótt um fjármögnun en á bak við hverja umsókn þarf að liggja kröfusafn. Áhættumat á greiðendum og kröfuhafa er framkvæmt áður en tilboð er sent til viðskiptavina.

HVERNIG FER FJÁRMÖGNUN FRAM?

Viðskiptavinir fara inn á sitt svæði á https://secure.faktoria.is og velja þar kröfur sem þeir vilja fá fjármögnun fyrir. Þessar kröfur fara í gegnum áhættumódel Faktoría og tilboð kemur innan dags. Viðskiptavinur getur samþykkt/hafnað tilboði. Að því loknu fær viðskiptavinur greitt samdægurs inn á sinn reikning umsamda fjárhæð.

HVERSU LANGAN TÍMA TEKUR AÐ FÁ ÞJÓNUSTU FAKTORÍA?

Uppsetning og tenging við kerfi Faktoría tekur 1-3 virka daga. Setja þarf upp kerfið og innheimtustillingar í samstarfi við viðskiptabanka.

HVERNIG NÝTIST KRÖFUFJÁRMÖGNUN MÍNU FYRIRTÆKI?

Með kröfufjármögnun geta fyrirtæki aukið framlegð og veltuhraða krafna með umbreytingu á greiðslufresti yfir í staðgreiðslu. Kröfufjármögnun jafnar greiðsluflæði inn í rekstur án frekari skuldsetningar og skerðingu á eiginfjárstöðu fyrirtækis.

HVAÐA ÞJÓNUSTU BÍÐUR FAKTORÍA?

Í boði er fjármögnun á viðskiptakröfum.